Tsertsa

Dichonéo

Contenù di site

Multimédià

Teste eun patoué

Documàn

Centre d’Etudes Francoprovençales : echpozitsión dé l’itchatén

10 juillet / 29 août 2021

expo-centre-1024x576_5091_l.jpg

(patoué dé Bretsón)

Dou 10 dé jeyet tanque ou 29 d’oht 2021, o Muzé Cerlogne dé Saint-Nicolas acouèyérat l’echpozitsión, organizà dou Centre d’Etudes Francoprovençale René Willien,  « La corda froutéye. Du principe sonore à la magie musicale des joueurs populaires de violons et de vielles à roue ». 

Organistrum, viole di borgno, violón é contrébas émpichéràn a tchambra ou premì piàn dou Muzé Cerlogne énsémbio i couénté, i son, y émotsión é le souvénì d’un pasà qu’ou l’aita futur, én pasèn di man di gnoe djénératsión dé muzisièn é dé fabricàn d’echtremèn.

Ou lon dé l’itinérére, én pieuch, o peblécco ou porat rétroé acheu o patoué, vents a variété dé Saint-Nicolas, a travers le testo qu’i couénton y echtremèn é le fotografie prézentà, é co le versión én fransé, tayàn é anglé qu’i poon ése rédjouègnoèi mersì a tecnolojì dou qr code.

O vernisadjo ou sé tégnérat dumindje 25 dé jeyet a modé dé 5 ore dé l’apredené, avó a prézéntsa di Trouveur Valdotèn, di Violons Volants é Pitularita.

Pé pi d’énformatsión, vejeutteu o sito www.centre-etudes-francoprovencales.eu

 

Orére d’iverteurra :

Musée Cerlogne

La Cure, Saint-Nicolas

10 jeyet - 29 oht 2021

15h - 19h, quiots o duluns

Sétémbro : touì le desando é le dumindje

Otobre é noémbro : so randévù

Si site permè de vo mandér d'atre «cookies» (témouèn de connéchón). Se vo asétade l'utilizachón di «cookies» cliccade su OK, se vo vouléde pi d'eunformachón ou vo vouléde refezé, alléde a la padze di-z-eunformachón.

Padze d'eunformachón